PLISAT
Posted by Plisat on October 29 2009 07:30:23

---

Në bazë të deklaratave dhe shpifjeve të një mediumi kundër “Plisave” është mbledhur kryesia e PLISAVE e cila del me këtë komunikatë për opinionin e gjerë:

Komunikatë:

Të mërkuren, më 28 tetor 2009 në ndeshjen e xhiros së 14-të të Raifassen Superligës së Kosovës në futboll e zhvilluar në Vushtrri në mes të Kosovës vendase dhe skuadrës sonë të zemrës, Prishtinës, Plisat në mënyrë të organizuar me rreth 110 Plisa (2 autobusë dhe disa vetura private), morëm rrugën për në Vushtrri, për të qenë pranë skuadrës sonë.

Në hyrje të Pestovës, jemi pritur nga Policia e Vushtrrisë, e cila për të zhmangur ndonjë incident të mundshëm, ka bërë përcjelljen tonë dhe na ka ndërruar drejtimin e udhëtimit duke u vonuar Plisat për në takim pasiqë i kemi rënë rreth e rreth Vushtrrisë, duke kaluar nëpër disa fshatra e ku në ndeshje kemi arritur tek në minutën e 37 të ndeshjes.

Policia na ka prirë deri në hyrje të stadiumit ku shihej një organizim i mirë nga ana e tyre. Mirëpo me të hyrë në stadium në drejtim të Plisave filluan të hidhen gurë dhe shishe nga shtëpitë që ishin prapa tribunës sonë dhe ku nga ato hudhje është goditur komandanti i Policisë e përveç tij janë goditur edhe disa Plisa, njërit prej tyre i është dashur intervenimi i mjekëve.

Pastaj nga fusha ka ardhur një provokim nga një zyrëtarë klubit vendas me qrast disa Plisa të revoltuar janë futur në fushë. Pas kësaj, pa asnjë paralajmërim ka reaguar njësia speciale e cila në mënyrën më brutale na ka ndjekur nga tribuna dhe ka përdorur forcë të tepruar deri në futjen tonë nëpër autobusë.

Pas nisjes së autobusëve, rrugës kanë filluar të na thehen xhamat e autobusëve nga ana e tifozëve vendas me gurë dhe mjete tjera të forta e me qrast lëndohen tre nga anëtarët tonë dhe përveç xhamave të autobusëve janë thyer edhe xhamat e dy veturave tona private. Me të dalur nga Vushtrria, policia ka ndaluar autobusët tanë, ku njërin e lëshojnë për Prishtinë derisa tjetrin autobusë me 50 Plisa e kthyen për në stacionin policorë të Vushtrrisë.

Në stacion, Plisat e kthyer janë marrë në pyetje dhe kanë dhënë deklarata një nga një dhe janë liruar në orët e vona të mbrëmjes, ndërsa gjashtë prej tyre janë ndaluar si të dyshuar për prishje të rendit dhe qetësisë publike ku iu është shqiptuar masa e paraburgimit prej 48 orësh.

Ne kryesia e Plisave shprehim keqëardhje për atë që i ka ndodhur komandantit të policisë së Vushtrrisë dhe jemi kundër këtyre akteve të cilat janë në dëm të shtetit dhe futbollit të Kosovës dhe aq më pak kur jemi në pritje të pranimit tonë ndërkombtarisht.

Besojmë që policia dhe drejtësia jonë të tregohet e drejtë dhe shokët tanë të lirohen.sa më shpejtë.

Me respekt
Kryesia e Plisave,
Prishtinë, 29.10.2009